Резюме.

 

    Бикҡужина Эльза Фәрит ҡыҙы 2002 йылда Салауат педагогия колледжының башланғыс кластар, 2006 йылда Силәбе дәүләт педагогия университетының социаль педагог, 2007 йылда  Стәрлетамаҡ педагогия академияһының башҡорт теле һәм әҙәбиәте факультеттарын тамамлаған.  Бөгөнгө көндә Салауат ҡалаһының 22 – се урта дөйөм белем биреү мәктәбендә башҡорт теле һәм әҙәбиәте уҡытыусыһы булып эшләй.

    Дөйөм педагогик стажы 13 йыл, башҡорт теле һәм әҙәбиәте уҡытыусыһы булараҡ 13 йыл.  Беренсе категориялы уҡытыусы.  Интернет селтәрендә Эльза Фәрит ҡыҙының үҙ сайты булдырылған. Ул республика һәм Рәсәй кимәлендә уҙғарылған төрлө конкурстарҙа әүҙем ҡатнаша, педагогик тәжрибәһе менән уртаҡлаша, мәктәптә балаларҙың ғилми-тикшеренеү ойошмаһының етәксеһе булып тора, йыл һайын квалификацияны үҫтереү өсөн төрлө курстар уҡый һәм мониторинг буйынса ижади төркөмдөң аҡтив ағзаһы.

     Эльза Фәрит ҡыҙының эше һөҙөмтәле. Ул Салауат ҡалаһы мәғариф бүлегенең, уҡыу-методик үҙәгенең һәм 22- се урта дөйөм белем биреү мәктәбе администрацияларының Маҡтау хаттары, Маҡтау грамоталары менән бүләкләнде.

     Бикҡужина Эльза Фәрит ҡыҙының уҡыусылары ҡала кимәлендә уҙғарылған олимпиадаларҙа һәм төрлө конкурстарҙа ҡатнашалар, призлы урындар яулайҙар.

     Уҡытыусы фәһемле асыҡ дәрестәр бирә, семинар, конференцияларҙа әүҙем ҡатнаша. Мәҫәлән, Эльза Фәрит ҡыҙының 2016 йылда ҡала кимәлендә уҙғарылған семинарындағы һәм методик ойошмаһындағы «Сифатлы белем – уңыш нигеҙе» доклады бик отошло.

      Ул буш ваҡыттарын да файҙалы үткәрергә тырыша:

- балаларын тәрбиәләүгә ҙур иғтибар бирә – түңәрәктәргә йөрөтә;

- ғаиләһе менән тәбиғәт ҡосағында ял итергә ярата;

- ҡул эштәре менән шөгөлләнә;

- яҡындарын милли аштар менән һыйлай;

- сәйәхәт итергә хыяллана;

- әҙәби әҫәрҙәр уҡыу, тарихи кинофильмдар ҡарауға күп ваҡыт бүлә;

- Башҡортостан һәм  уның күп милләтле халҡының тарихы, бөгөнгө һәм киләсәк тормошо, мәҙәниәте менән ҡыҙыҡһына.